每個媽媽都知道餵人奶係畀寶寶最好嘅天然禮物，但母乳餵哺並唔係一件容易嘅事情，唔少媽媽想餵人奶，卻因為各種唔同嘅原因同問題，最後不得不放棄，想令母乳餵哺嘅過程更輕鬆同更順利？其實各位媽媽可以係懷孕前做足準備，以最佳狀態去迎接寶寶嘅來臨。
母乳餵哺到底對BB有幾好？母乳係畀自己嘅BB一份滿愛同營養嘅禮物。香港衛生處更指母乳嘅脂質對寶寶嘅成長同發育都有好重要嘅地位，所以越來越多媽媽選擇餵人奶。
同各位媽媽分享一個母乳餵哺小知識，通常母乳靜置一陣之後，就會出現分層嘅現象，有啲新手父母會以為母乳變質而形成分層，但事實正正相反！這分層其實是一層營養精華，即係我哋成日聽到嘅後乳。因為母乳中嘅乳脂比較水輕，所以會浮係上面，而呢個天然乳脂精華可以為寶寶提供營養與飽肚感。後乳當中的礦物質、蛋白質、脂肪酸、DHA、AA及益菌素等，可幫助ＢＢ器官（如腦部、視力及腸臟等）的發育。
乳脂層越厚，代表母乳營養越豐富。因此，唔少媽咪為咗揼出質優量多、蘊含厚厚乳脂層嘅人奶，真係搏到盡！我哋都明白餵人奶可以令寶寶更健康，但有時候真係事與願違。作為過來人都曾經喺母乳餵哺嘅過程遇上種種難題，以下整理咗三個貼士，希望各位想餵人奶嘅媽媽都可以順利餵到人奶啦！
1.了解相關資訊，為母乳餵哺做好心理準備
餵人奶唔多唔少都會有壓力，保持情緒正面是保持奶量嘅重要元素，懷孕時期中多了解更多關於母乳餵哺嘅資訊，了解得愈清楚，就對母乳餵哺嘅不安愈低，可能克服心理層面嘅難關，同時做好兩手準備，例如如何處理塞奶、正確餵人奶姿勢同寶寶喝奶分量與頻率等，到時候處理更加得心應手。
2.按摩
懷孕早期建議偶爾可以輕柔按摩，但避免刻意刺激乳頭，以引起子宮收縮，提高早產風險。而產前按摩胸部就有助疏通乳腺，為餵人奶做好準備，同時石頭胸出現嘅機會都會減少。而且36週左右開始，可以每天給乳房做熱敷，促進胸部嘅血液循環與疏通乳腺管，產後餵人奶就會更順暢，亦可減輕胸前嘅疼痛感。
3.食物上作準備
懷孕到七至八個月嘅時候，可以開始調養母乳品質，攝取均衡同充足嘅營養，媽媽身體好，做好餵人奶嘅準備，就可以餵哺高質嘅母乳畀寶寶，而家都有為媽媽專門而設嘅營養奶粉。
媽媽可以揀有天然sn-2 Palmitate嘅媽媽奶粉，天然sn-2 Palmitate有助吸收鈣質，同時減少鈣皂形成。而且有研究指出，普遍香港授乳婦女嘅日常飲食唔夠營養，對鈣、鐵及碘等營養嘅攝取量唔夠，因此要選擇有多種營養嘅奶粉，例如可以舒緩疲勞嘅鎂、有助維持記憶力及大腦功能嘅膽鹼、幫助排便暢順嘅益生纖維及益生菌。媽媽營養充足，餵人奶就更有信心啦！
除咗媽媽嘅需要，寶寶所需嘅營養都要包含，咁先係好嘅媽媽奶粉，好似促進腦部及眼睛發育嘅DHA、有助骨骼發展嘅維他命D同鈣質、腦部發展嘅碘同葉酸、有助製造紅血球嘅維他命B12。
唔止咁，媽媽懷孕或母乳餵哺期間都要留要升糖指數，媽媽奶粉就更要揀Low GI，即係低升糖指數GI=25，奶粉除咗可以有飽腹感，有助維持健康體重，更有助穩定血糖。一個好奶粉要同時令媽媽同寶寶得到雙重嘅照顧！
*本文章有關的母乳餵哺內容均屬個人分享，並不代表任何品牌（公司）與本網站言論或立場。若閣下懷孕期間時感到不適，請即向醫生查詢。
圖片來源：shutterstock
點關鍵字看更多相關文章
