好消息！滴咗低濃度阿托品眼藥大半年，鋒鋒嘅近視無再加深到。相隔四個月再返診所見醫生覆診，驗完眼之後小朋友近視度數維持喺4個月前覆診嘅300度，無深落去鋒媽真喺好感動！
鋒媽嘅近視深至1000度，好擔心會遺傳咗俾鋒鋒，令小朋友近視同樣咁深，所以由幼稚園開始每年都會做視力檢查。直到讀小學一年級，小朋友近視度數開始一枝箭咁上升。其實小朋友6歲起喺眼部發育嘅黃金時間，鋒鋒都無可幸免，近視度數由100變200，200變300。如果超過600度，患眼疾嘅機會大幅提升，所以鋒媽都唔敢掉以輕心。
最初發現鋒鋒近視，都只喺配眼鏡就算數。點知幾個月之間就多左100度，喺深得好快！朋友即刻介紹我地用OK鏡，夜晚訓覺嘅時候配戴，以物理方式改變眼球孤型，唔好俾眼球拉長。但鋒鋒好抗拒，帶咗之後話唔舒服，仲有野銀眼咁，手多多走去摔眼。鋒媽怕會影響佢視網膜，所以就放棄咗OK鏡。
半年前開始滴低濃度阿托品眼藥，持續使用能有效控制近視達70%。但要醫生處方先可以滴，見到有專業人士把關，鋒媽更放心俾鋒鋒去用。於是鋒鋒見完醫生就開始咗滴眼藥水生涯，每晚臨訓前滴一滴就得，簡單易用。可以放鬆眼球附近嘅肌肉，唔俾眼球拉長。第二朝訓醒覺，如常梳洗就可以出街。
低濃度阿托品眼藥嘅價錢，同其他控制近視嘅方法相若，最重要有醫生定期檢查，可以check埋眼睛健康。呢大半年鋒鋒都習慣咗每晚一滴，而且唔會有抗拒感。
相隔4個月帶鋒鋒去診所覆診，做完一輪詳細檢查後，小朋友近視維持半年前300度嘅水平！連醫生都話控制得好好，媽媽哪有唔繼續課金嘅藉口?。 連配眼鏡嘅錢都慳咗，覺得呢個決定好正確！
小朋友6-12歲正值發育黃金期，亦都喺小朋友近視加深速度最快嘅年齡。控制近視度數只有減慢，無得減少，所以家長們要定期帶小朋友檢查視力，及早搵到適合控制小朋友近視嘅方法，就唔怕越來越深近視啦！
除此之外，生活習慣都好重要。例如減少使用電子產品，每30分鐘就要休息15分鐘，望下街外嘅遠景，等眼睛休息下。室內閱讀或使功課都要有充足嘅光線，同埋保持正確嘅坐姿。呢啲習慣對眼睛都好有影響架！
如果你哋都想知多啲控制近視眼藥水同其他控制小朋友近視的方法，都可以去呢度了解多啲！
To website: https://www.childeyecares.com/
To Facebook page: https://www.facebook.com/childeyecares/
點關鍵字看更多相關文章
