logo-1
xianji facebook
logo-1
top

有兒童近視嘅小姐仔已經用咗近視眼藥水半年啦

佢都真係好乖,由一開始好驚眼藥水滴入眼睛入邊,到而家每日早晚自己幫自己滴,完全唔需要其他人幫手。真係要俾個叻叻佢。 👏🏻👏🏻

用咗近視眼藥水成半年,媽媽最緊張梗係近視度數有冇加深啦? keep 得好吾好? 究竟有冇效果? 當然就係去專業嘅眼科醫生到check check 啦。

每次去見眼科醫生,醫生都會用幾種儀器同小姐仔驗眼,之後醫生就會詳細講解驗眼結果,每次媽媽我都好緊張呀! 😆。

呢半年以來小姐仔嘅近視就只係加深咗25度呀。 👏🏻👏🏻👏🏻 呢一個成績媽媽覺得非常滿意呀。眼科醫生仲話唔需要換眼鏡呀。聽到呢度,反而係小姐仔有少少唔開心,因為佢好想有新眼鏡啊。🤣

眼科醫生提醒兒童近視係一個好常見嘅問題,如果兒童近視沒有及早治療,特別在發育時期,兒童近視加深嘅速度都係好快嘅。 好彩我哋及早發現問題並且採用近視眼藥水。 另外,醫生都再次提醒小姐仔每睇完15-20 分鐘電視、睇書、好專心玩玩具之後就要睇10至20秒街景,讓雙眼休息一下。

近視眼藥水

近視眼藥水我以為係好新嘅藥物,但厡來近視眼藥水好早已為眼科醫生選用而且中文大學亦有研究證實用近視眼藥水旳成效及安全性。了解多左,我仲知到近視眼藥水仲有分不同濃度, 醫生會按兒童近視的不同情況建議小朋友使用不同濃度的近視眼藥水。 我就為小姐仔選擇左0.01%較低濃度嘅近視眼藥水, 較低濃度但效果都真係有目共睹啊!

醫藥發展真係日新月異,如果我哋嗰個年代已經有呢一種近視眼藥水,我就唔會有成900度近視啦 😭

眼科醫生仲話兒童近視的而且確係一個長期戰鬥,小朋友太細都實在唔可能做激光矯視。 keep 住滴近視眼藥水,定期驗眼睛,盡量令到兒童近視唔好再加深,已經係家長們唯一可以做嘅事啦。

如果你嘅小朋友都有兒童近視, 記住快啲去諮詢眼科醫生睇吓可唔可以用近視眼藥水去控制近視加深嘅速度。

慢慢長路,家長們加油啊 💪🏻

了解小朋友控制近視眼藥水及小朋友控制近視方法: 

https://www.childeyecares.com/

https://www.facebook.com/childeyecares/

 

click